हाम्रो बारेमा

एनआरएनए साउदी अरबको यो वेब साइट अहिले दोस्रो बर्षमा चल्दैछ । एउटा संस्थाको अफिसियल साइट भएर पनि हामीले आफ्नो संस्थाका गतिबिधीहरूमा मात्र सिमित नभई यो साइटमा नेपाली समाज, जिवन र जगतका थुप्रै बिषय बस्तुहरू पस्क्यौं र पस्कदैछौं । परम्परावादी सोंच र दृष्टीमा अनौठो लाग्ने हाम्रो यो अभ्यास यदाकदा बहस र बिवादको बिषय पनि बन्ने गरेको छ ।

हाम्रो मिशन र उद्येश्य नेपाली समाजमा ब्याप्त बिकृति र बिसंगतिहरूलाई चिर्दै स्वस्थ, स्वच्छ, सभ्य र सौहार्दपुर्ण प्रबासी नेपाली समाजको निर्माणमा टेवा पुर्याउने नै हो । अतः सबै खाले भ्रष्टाचार, ठगी, अनियमितता र बिभिन्न अबैध कृयाक्लापहरूको भण्डाफोर हाम्रो प्राथमिकतामा रहिरहनेछन । सामाजिक समस्याहरू र जिम्मेवार ब्यक्ति, संस्था या निकायका कमी कमजोरीहरूबारे जन साधारणलाई सुसूचित गराईरहंदा कुटनैतिक र सुनौला शब्दहरूको प्रयोग हुन सक्दैन । त्यस्ता समस्याहरूको चित्रण – बृतान्त कालो अक्षरमा जन साधारणले सहजै बुझ्ने भाषामा नै लेखिन्छ ।

१ बर्षको छोटो अवधिमै हामीले धेरै उतार चढाव पनि बेहोर्यौं । प्रंशंसा संगै आलोचनाहरूको पनि कमि रहेन । अप्ठ्यारो त्यतिखेर महशुस गर्यौं जब अरूहरूबाट समाचार लेखहरू लिंदा ‘अरूको कपी गर्ने’ आरोप अनि आंफैले केही लेख्दा ‘आफ्नै कुरा गर्ने’ दोहोरो आरोप एकैचोटी लाग्यो । त्यसो त हामीलाई थाहा छ, यो साइटका प्रस्तुतीहरूबाट को खुशी छन अनि को दुखी र आक्रोशित । जब हाम्रो समाज नै पीडक र पीडित, शोसक र शोसित, नैतिक र अनैतिक, भ्रष्ट र इमान्दार अनि बैध र अबैधमा बिभक्त छ, निश्चय नै सबै पक्षहरूलाई एकै साथ समानरूपले सन्तुष्ट पार्न सकिदैन । हाम्रो प्रयास बहुसंख्यक शोसित पीडित नेपाली श्रमिक बर्गका पक्षमा न्याय, सुरक्षा र उन्मुक्तीका लागि सामाजिक रूपान्तरण गर्ने नै हो । साथै यही श्रमिक समाजका सरोकारका यावत बिषय बस्तुहरूबारे सम सामयिक जानकारी उपलब्ध गराउंदै सत्य, इमान्दारिता र नैतिकताको मार्ग दर्शन पनि गरिनै रहने छौं ।

हामी यो साइटलाई माया गरी भिजिट गर्नुहुने सबै पाठक बृन्दलाई पनि साइटको समयानुकुल सुधार र थप परिस्कृत बनाउन तथा निहित त्रुटी तथा कमजोरीहरूलाई पनि निर्धक्क औंल्याइदिनुहुन बिनम्र अनुरोध गर्दछौं । साथै सबै आदरणीय लेखक तथा साहित्यकार मित्रहरूलाई पनि आ आफ्ना लेख, समाचार तथा रचनाहरू लेखी पठाउनुहुन अनुरोध गर्दछौं ।

सम्पादक मण्डलः

१. धरम के.सी.

प्रधान सम्पादक

इमेलः dharamkc@yahoo.com

२. नमराज लामिछाने

सम्पादक

इमेलः nrlc_2001@yahoo.com

३. दुर्गा खनाल

सम्पादक

इमेलः durgak33@gmail.com